寧夏夜市月亮蝦餅。
幾年前看台灣電視介紹已經超想食，又大一歲前終於食到！又熱又香，外脆內軟，好好食呀呀呀。(感動）
人攰到似鬼但見到食物就精神返～原本無乜遊客的夜市，而家都開始有唔少香港人了。但一整條街夾雜兩邊唔同種類的攤檔，仍然好地道好有氣氛啦。台味濃之餘有好多老字號。同阿爸阿媽食左蚵仔煎，蛤仔湯，蒜末乾蚵，麻油豬肝湯，麻油腰只湯，月亮蝦餅，蛋黃芋圓芋餅，肉包蔥，再飲愛玉凍蜂蜜茶⋯⋯肚已爆。嗝。
寧夏夜市遊客較少其中一個原因是離捷運站較遠。最近的捷運站是淡水線雙連站，行出1號出口之後向左直行約500米就到喇，其實都幾易去，亦幾值得一去啊～